愛的一族﹕

近排事忙﹐無時間上網同大家傾談﹐宜家趁住向老師偉仁交功課﹐順便同大家八一八。

仲係學生果陣﹐替老師或同學取花名是一大樂事﹐對於那五花八門的花名﹐被取笑者雖不好受﹐但有一失必有一得﹐因他(她)已無意中深深烙印在大家的腦海裡﹐所以麗蓉姐﹐請放了那以色列人一馬﹐顯示你『靚』姐﹐笑人有笑量。

真係服玉麟服得好交關﹗想當年我走難﹐連褲都不敢多帶一件﹐佢竟然將我地的回憶全部帶來北美。初三畢業時﹐看到大夥兒拿着紀念冊﹐請老師們﹐同學們留字﹐留言。自己亦唔執輸﹐都買番本來煮﹐但事當時心諗﹐多此一舉﹐得閒過頭，搵野來搞﹗明年高一﹐大家仲係同一校﹐甚至同一班也不出奇。故此也沒珍藏起來﹐如今想起來﹐真的愧對江東父老。

好耐冇見大家姐浮頭﹐唔使惊喎﹐近排天下雖亂﹐但想來伊拉克都唔會蝦愛班﹐大家姐亦唔需打頭陣﹐即管放馬出來喇﹗

蔡金龍